السلام عليكم ..
هذي طال عمركم طريقه طبخه عجيبه
المهم هي حشوتها تونه وأنا ماحب التونه فـ بدلتها بدجاج
نجي للمقادير :::
نجيب كيسة خبز توست .. وناخذ ثنتين ونطبقهم فوق بعض ..
هذي طال عمركم طريقه طبخه عجيبه
المهم هي حشوتها تونه وأنا ماحب التونه فـ بدلتها بدجاج
نجي للمقادير :::
نجيب كيسة خبز توست .. وناخذ ثنتين ونطبقهم فوق بعض ..
الحين نجيب بيض وبقسماط .. كثرو من البيض ... أنا استخدمت حوالي 5 بيضات
لأن الماما < اميمتي
تقول كثري منه عشان يتماسك اذا حطيناه في الزيت ومايتفكك
بعد مانحطه في البيض والبقسماط .. نقليه في الزيت .. وبيطلع معنا كذا
نجي الحين للحشوه < العبو فيها لعععععععععب
أي شي تحبونه حطوه وماعليكم
اووولن .. نجيب قدر ونحط فيه بصل مقطع صغينوونات .. ونحركه لين يتحمر شوي .. وبعدها نحط دجاج ( صدور دجاج ) وبعدها بطاطس مقطع صغيرات .. وجزر مبشور .. وبهارات بكل انواعها < اللي ماتعرف للبهارات تاخذ اللي جنب الفرن وتشمهم
اللي حلوه ريحته تحطه
واللي ماعجبها ترجعه مكانه
اممممممم وش بعد حطينا .؟؟ وحطو بعد بازلا
بس محد يحبها من اخواني يامصلهم
وأي شي تحبونه .. باذنجان .. خضروات وفواكه
امزح بس خضار ..
ونخليه ع الفرن ونسكر عليه نص ساعه او اقل الله يحفظه
لين تحسون انه خلاص زان
وبعد مايخلص .. نجيب التوست اللي سويناه ونحشاه بالحشوه
واللي تحب جبن كرافت مبشور .. تحطه فوقهم
وبعدها في الفرن او المكرويف عشان يموع
واللي تحب تتميلح وتحط حركات وكذا عادي ترى
وعطوني رايكم لاسويتوها