ليش البنت تسكت لما احد يتحرش فيها ؟؟؟

يسلمووووووووووو على المرور

الخوف واحد من العوامل ..

خصوصا اذا صار في عند الأهل تفرقة في التعامل بين الولد والبنت .. فايش المتوقع من البنت لما تتعرض لهالشي ..؟!!

وكلام ملوكة واحد من العوامل ..لانها أساساً بتفقد الأمان اللي كان ممكن يخليها تطلب من حد انو يساعدها !!
فأكيد بتصاب بحالة نفسية وبتعيش حالة خوف مو طبيعية .. :/


وعامل السن يحكم ..؟


لو كانت البنت صغيرة بالابتدائي مثلا ..
فما أتوقع انها بتقدر تحكي كلمة وحدة لأنها تدري ان هالكلام عيب ينقال .. وما راح تعرف تحسب الامور صح فكيف تتصرف مثلا ..


كيف تتكلم أصلا واللي يتحرش فيها واحد من أهل البيت مثلاً ..؟؟


أنا وقفت على قصة مؤلمة .. وقفت عليها بنفسي ..

البنت كانت بالمرحلة الابتدائية .. وكانت هي واخوانها متعلقين بخالها اللي بالمرحلة الثانوية ..متعلقين فيه لدرجة الجنوووووووون..


وهو استغل هالنقطة لصالحة ..وشهوته ..!!

كان يلاحظ انها تحب واحد من الرسوم اللي بالتلفزيون .. فكان يوعدها انه يجيب لها أشرطة فيديو لنفس الرسوم فيه حلقات جديدة..

هي تحمست مررااا ..

ويجيب لها أفلام إباحية (جنسية ) ويقولها شوفيها وسوي نفسهم !!

تقول انها ما قدرت تشوف شي .. تقول قعدت تصارخ وتصيح وعطت التلفزيون ظهرها .. وهو ميت ضحك ..!!

>> إذا هذا حال خالها .. وهو ثقة عند امها وابوها لمين تروح بالله ؟؟

أهلها من زود الثقة معطينه مفتاح البيت ..؟!!

وهو مو كفو ثقة أصلاً ..

تقول كنت أنام أنا وخواتي بنفس الغرفة وامي وابوي ما يحبونا نقفل باب الغرفة بحكم انهم كلهم صغار ..

تقول أقوم الساعة ثنتين الفجر .. وألقاه جنبي *_*

وأهلها كلهم نايمين وآمنين ..

قولولي وش التصرف اللي تقدر تتصرفه ولا يضرها خصوصا ان أهلها استحالة يصدقونها ويكذبونه ؟؟

خصوصا انه كان متأكد من ثقة اهل البيت فيه .. فكان يهددها لو ما سوت اللي تبغاه بيعلم عليها ..!!>> شين وقواة عين بعد

طبعا هو كذاب وستين كذاب لأنه كااان خايف ولا علم مع انها ما خلته يمسكها ولا يلمسها .. ( ما شاء الله عليها )

تقول أجلس انا واياه معارك وطق .. بس ما يلمس مني شي .. والحمد لله

مع ان معاناتها جلست فترة طويلة من يومها بالابتدائي الى ما بعد التخرج من الثانوي .. يوم تزوج هالخال العلة :/

طبعا لما كبرت صارت أوعى وأعقل .. تحاول تكلمه بالعقل يبطل حركات الهبل الزايد .. وصارت قوية تدافع عن نفسها وشرفها بكل قوتها ..
وهو صار يستحي يواجهها- أصلا ماله وجه- لأنه غلطان 100% ..
وصارت تخاف على خواتها حتى من اخوانها .. !!

لأنهم يحبون هالعلة .. ويقلدونه بكل شي ..فما تستبعد انه يقولهم بيوم من الايام اللي صار .. ويصيرون نفسه بعدين والعياذ بلله ؟؟

*
*

بعد هالقصة ..

اكثر من عامل يواجه البنت ويجبرها تسكت وتكتم بنفسها ويخليها تحاول تحل مشاكلها بدون ما ترجع لأحد ..

خوفها من اهلها .. وخوفها من كلام الناس .. وخوفها من المشاكل اللي بتجي بعد كذا .. قطع ارحام ومشاكل عائلية مالها نهاية !!
ونظرات الاحتقار اللي بتلحقها .. او حتى نظرات الرحمة والشفقة ..!!
ويمكن تخاف ان هالوحش ينتقم منها .. لأنها فضحته ؟؟

ويمكن كمان يجيها انهيار عصبي .. وحالة نفسية صعبة .. لأنها تحس انها عرفت اشياء اكبر منها بكثييير ..
ولا تقدر تتكلم فيها او تقول اي شي ..!!

*
*

ومن حالة لحالة تقرف الأشياء اللي تدعو للصمت !!
وأرجع أقول عامل السن له دور ..

هذي وجه نظري للموضوع .. ممكن تكون صح وممكن تكون خطأ ..
*
*
شكرا برنس على هالموضوع المهم ..
وعلى النقاش الحلو من الاعضاء : )